चेंबूर गोळीबार प्रकरणात दोघांना अटक

मुंबई : चेंबूर गोळीबार प्रकरणात पोलिसांनी शुक्रवारी (ता. ११) दोन आरोपींना अटक केली. गुन्हे शाखेने सांताक्रूझ येथील रहिवासी फिरोज खान (वय ५४) यास मिरा रोड येथून अटक केली, तर परिमंडळ सहाच्या विशेष पथकाने धारावीतून अफसर खान (वय २०) यास धारावीतून बेड्या ठोकल्या. गुन्हेगारी पार्श्वभूमी असलेला व्यावसायिक सद्रूद्दीन खान याच्यावर बुधवारी (ता. ९) डायमंड गार्डन परिसरात गोळीबार घडला होता. त्यात खान जखमी झाला. मिळालेल्या माहितीनुसार सांताक्रूझ येथील मालमत्तेवरून खान आणि आरोपी फिरोज यांच्यात वाद होता. फिरोजच्या सांगण्यावरून अफसर याने खानवर गोळ्या झाडल्याची माहिती पुढे आली आहे.