टाटाची अल्ट्रोज ६.८९ लाख रुपयांपासून

मुंबई, ता. २५ : टाटा मोटर्सने बाजारात आणलेल्या मोटारीची किंमत सहा लाख ८९ हजार रुपयांपासून असल्याचे जाहीर केले आहे.
आकर्षक डिझाईन, आलिशान इंटीरियर आणि प्रगत वैशिष्ट्ये, अद्वितीय सुरक्षा आणि कार्यक्षमता ही या मोटारीची वैशिष्ट्ये आहेत. या मोटारीला सुरक्षेचे फाइव्ह स्टार जीएनसीएपी मानांकन मिळाले आहे. आकर्षक डोअर हँडल, एलईडी टेल लॅम्प, लुमिनेट एलईडी हेडलॅम्प, गाडीच्या आत सुरक्षित हाय सपोर्ट सॉफ्ट डॅशबोर्ड, आकर्षक लाइटिंग आणि व्यवस्थित जागा यामुळे उत्साहवर्धक अनुभव मिळतो, असे टाटा मोटर्सचे शैलेश चंद्रा म्हणाले.
तिच्या आधुनिक डिझाईनमुळे एरोडायनामिक्समध्ये वाढ झाली आहे. सराउंडिंग व्ह्यू कॅमेरासह ब्लाइंड व्ह्यू मॉनिटरदेखील मोटारीत आहे. इलेक्ट्रिक सनरूफ, अँड्रॉइड ऑटो आणि ॲप्पल कार प्ले, वायरलेस चार्जिंग, एअर प्युरिफायर अँड एक्स्प्रेस कूलिंग इत्यादी ५० वैशिष्ट्ये यात आहेत. पेट्रोल, डिझेल आणि सीएनजी या इंधनांवर ही गाडी चालेल. सुरक्षा व्यवस्थेसाठी आत सहा एअरबॅग असतील. या मोटारीच्या विविध मॉडेलच्या किमती ११ लाख २९ हजार रुपयांपर्यंत आहेत.