राज्यात कोविडच्या नव्या ६६ रुग्णांची नोंद

सकाळ वृत्तसेवा
मुंबई, ता. २७ : राज्यात कोरोनाबाधित रुग्णसंख्येमध्ये सौम्य वाढ होत असून, मंगळवारी (ता. २७) राज्यभरात एकूण ६६ नवीन रुग्णांची नोंद झाली आहे. यामध्ये मुंबईत सर्वाधिक ३१, पुणे १८, ठाणे सात, नवी मुंबई चार, पनवेल तीन, नागपूर दोन, सांगली येथे एक रुग्ण आढळून आला. जानेवारी २०२५ पासून राज्यात एकूण ८,२८२ कोविड चाचण्या करण्यात आल्या असून, त्यापैकी ४३५ रुग्णांचे अहवाल सकारात्मक आले आहेत. त्यात एकट्या मुंबईत ३१६ रुग्ण आढळून आले. आतापर्यंत १०६ रुग्ण पूर्णपणे बरे झाले आहेत. सध्या असलेल्या सक्रिय रुग्णांमध्ये सौम्य लक्षणे असल्याने ते घरीच उपचार घेत असल्याची माहिती प्रशासनाने दिली.