राज्यात २५६ सक्रिय कोविड रुग्ण

सकाळ वृत्तसेवा
मुंबई, ता. २५ : राज्यात कोविडमधून लोक बरे होत आहेत. १६ जून रोजी राज्यात सक्रिय रुग्णांची संख्या ५१२ वर पोहोचली होती. त्यात आता घट होऊन सक्रिय रुग्णांची संख्या २५६ वर आली आहे. गेल्या दोन दिवसांत राज्यात नवीन बाधितांची संख्याही कमी झाली आहे. २२ जून रोजी १९, २३ जून रोजी ३३ आणि २४ जून रोजी २५ नवीन बाधित आढळले, तर दोन आठवड्यांपूर्वी दररोज ७० ते ९० नवीन बाधित आढळत होते. राज्यभरात आतापर्यंत कोविडमुळे ३३ जणांचा मृत्यू झाला आहे. सध्या राज्यात बरे होण्याचा दर ८८ टक्के आहे. ‘वृद्ध आणि इतर गंभीर आजारांनी ग्रस्त असलेल्या लोकांनी स्वतःची विशेष काळजी घेणे आवश्यक आहे,’ असे आरोग्य विभागाने म्हटले आहे.