३० हजार परिचारिकांचा सरकारला संपाचा इशारा

सकाळ वृत्तसेवा
मुंबई, ता. ६ : राज्य सरकारच्या सर्व रुग्णालयांमधील आरोग्यसेवांवर परिणाम होऊ शकतो. कारण या रुग्णालयांमध्ये काम करणाऱ्या ३० हजार परिचारिका १८ जुलैपासून अनिश्चित काळासाठी संपावर जाणार आहेत. कंत्राटी पद्धतीने नियुक्त केलेल्या परिचारिकांची उपेक्षा हे या संपाचे मुख्य कारण आहे.
राज्य सरकारने अलीकडेच १० नवीन वैद्यकीय महाविद्यालये सुरू केली आहेत. या रुग्णालयांमध्ये कोणत्याही परिचारिकांची नियुक्ती केलेली नसली तरी, आधीच सुरू असलेल्या रुग्णालयांमध्ये ५० टक्के परिचारिकांची पदे रिक्त आहेत. महाराष्ट्र राज्य परिचारिका संघटनेच्या सरचिटणीस सुमित्रा तोटे म्हणाल्या, की वैद्यकीय महाविद्यालय आणि रुग्णालयासाठी साधारणपणे ५०० परिचारिकांची आवश्यकता असते. वैद्यकीय महाविद्यालयांमध्ये आधीच ५०० परिचारिका आहेत. नवीन वैद्यकीय महाविद्यालयांमध्ये नवीन नियुक्त्या न झाल्यामुळे विद्यमान परिचारिकांवर अतिरिक्त कामाचा भार वाढला आहे. सरकार या रिक्त पदांवर कंत्राटी पद्धतीने परिचारिकांची नियुक्ती करीत आहे. त्याचा संघटनेने निषेध केला आहे.
...
निर्णय न घेतल्यास संप
सुमित्रा म्हणाल्या, की १५ आणि १६ जुलै रोजी परिचारिका मुंबईतील आझाद मैदानावर धरणे आंदोलन करतील. त्यानंतर १७ जुलैला एक दिवसाचा संप केला जाईल. त्यानंतरही सरकारने आमच्या मागणीवर कोणताही निर्णय घेतला नाही, तर १८ जुलैपासून ३० हजार परिचारिका अनिश्चित काळासाठी संपावर जातील.