ई-शिवनेरीवर टोल‘धाड’
परिपत्रकाअभावी दरमहा ७० लाखांचा भुर्दंड
सकाळ वृत्तसेवा
मुंबई, ता. १६ : राज्य सरकारने नुकतेच इलेक्ट्रिक वाहनांना टोलमाफीचा निर्णय जाहीर केला; मात्र त्यासंदर्भात परिपत्रक न काढल्यामुळे एसटी महांमडळाला मुंबई-पुणे महामार्गावर दरमहा ७० लाखांचा भुर्दंड पडत आहे. सध्या मुंबई-ठाणे ते पुण्यादरम्यान एकूण १०० ई-शिवनेरी बस धावत असून, त्यातील काही बसला प्रतिफेरी १,८८० रुपये, तर काही बसला प्रतिफेरी २,०४५ रुपये टोल भरावा लागत आहे. याशिवाय अटल सेतूमार्गे बस गेल्यास स्वारगेट जाण्यासाठी ३,१२५ रुपये, तर चिंचवडला जाण्यासाठी ३,२९० रुपये टोल ई-शिवनेरीला भरावा लागत आहे.
---
ई-शिवनेरीच्या किती फेऱ्या?
१. परळ आगार
एकूण बस - २७
दररोजच्या फेऱ्या - ८१
----
२. ठाणे आगार
एकूण बस - १५
दररोजच्या फेऱ्या - ४५
----
३. बोरिवली बसस्थानक
एकूण बस - ८
दररोजच्या फेऱ्या - २४
----
४. स्वारगेट आगार
एकूण बस - ३३
दरररोजच्या फेऱ्या - ९९
---
५. पुणे रेल्वेस्थानक
एकूण बस - १७
दररोजच्या फेऱ्या - ५१
---
===
एसटीच्या ताफ्यातील ई-बसेस
जुन्या ई-बस - ३८४
ई-शिवनेरी - १००
शिवाई - ४७
नवीन ई-बसेस- २४०
-----
५१५०
एसटीचे ई-बसचे लक्ष्य
----
२४०
ई-बस ताफ्यात दाखल
---
४,९१०
ई-बस दोन ते तीन वर्षांत सेवेत येणार
----
पर्यावरणाच्या दृष्टीने ई-बसगाड्या मोठ्या संख्येने रस्त्यावर उतरल्या पाहिजे. त्यासाठी टोलमाफीचा निर्णय घेतला होता; मात्र यासंदर्भातील परिपत्रक सरकारने तत्काळ जारी करावे.
- श्रीरंग बरगे, सरचिटणीस, महाराष्ट्र एसटी कर्मचारी काँग्रेस
---
ई-बसच्या टोलमाफीसंदर्भातील पत्र मी पाहिले आहे. या बसला टोलमधून सूट देण्याबाबत पाठपुरावा सुरू असून, लवकरात लवकर याबाबतचा शासन निर्णय काढला जाईल.
- प्रताप सरनाईक, परिवहन मंत्री