वर्सोवा खाडीत बेकायदा
वाळूउपसा; चौघे जेरबंद

मुंबई, ता. १६ : वर्सोवा आणि मढदरम्यानच्या खाडीत बेकायदा वाळूउपसा करणाऱ्या चौघा जणांना वर्सोवा पोलिसांनी अटक केली. सुमारे दोन ब्रास वाळूच्या ४०० गोणींसह पाच फायबर बोटी आणि इतर साहित्य जप्त करण्यात आले.

मंगळवारी सकाळी ८च्या सुमारास गस्तीवर असलेल्या पोलिस पथकाला वर्सोवा गावाजवळ काही व्यक्ती खाडीत वाळू भरताना दिसले. तपासणी केली असता हे लोक प्लॅस्टिकच्या गोणींमध्ये हाताने वाळू भरत असल्याचे आढळून आले. याप्रकरणी जावेद सबरमुल्ला, अमन शेख, अप्पू सहानी आणि साईनाथ कसबे या चौघांविरोधात पर्यावरण (संरक्षण) अधिनियम तसेच भारतीय न्याय संहितेच्या विविध कलमांनुसार गुन्हा नोंदवण्यात आला आहे. पोलिसांकडून अधिक तपास सुरू आहे.