तिन्ही रेल्वे मार्गांवर रविवारी मेगाब्लॉक

सकाळ वृत्तसेवा
मुंबई, ता. १८ : उपनगरीय रेल्वेच्या देखभाल-दुरुस्तीकरिता रविवारी (ता. २०) मध्य रेल्वेच्या मध्य आणि हार्बर आणि पश्चिम मार्गावर मेगाब्लॉक असणार आहे. यामुळे रविवारी विविध कामानिमित्त घराबाहेर पडणाऱ्या मुंबईकरांना लोकलच्या गर्दीचा सामना करावा लागणार आहे.
...
मध्य रेल्वे
कुठे ः सीएसएमटी ते विद्याविहार स्थानकांदरम्यान अप-डाऊन धीम्या मार्गांवर
कधी ः सकाळी १०.५५ ते दुपारी ३.५५ वाजेपर्यंत.
परिणाम ः या कालावधीत अप-डाऊन धीम्या मार्गावरील लोकलची वाहतूक जलद मार्गावरून चालविण्यात येणार आहे. परिणामी, मेल-एक्स्प्रेस गाड्या १० ते १५ मिनिटे विलंबाने धावतील.
...
हार्बर रेल्वे
कुठे ः सीएसएमटी ते चुनाभट्टी-बांद्रा स्थानकांदरम्यान अप आणि डाऊन दोन्ही मार्गांवर
कधी ः सकाळी ११.१० ते दुपारी ४.४० वाजेपर्यंत
परिणाम ः ब्लॉकदरम्यान सीएसएमटी ते चुनाभट्टी- बांद्रादरम्यानची लोकल वाहतूक बंद राहणार आहे. हार्बर मार्गावरील प्रवाशांच्या सोयीसाठी सीएसएमटी ते कुर्लादरम्यान स्पेशल लोकल चालविण्यात येणार आहे. हार्बर मार्गावरील प्रवासी रविवारी सकाळी १० ते संध्याकाळी सहा वाजेपर्यंत मेन लाइन आणि पश्चिम रेल्वेने प्रवास करू शकतात.
...
पश्चिम रेल्वे
कुठे ः बोरिवली ते गोरेगाव स्थानकांदरम्यान
कधी ः अप आणि डाऊन धीम्या मार्गावर सकाळी १० ते दुपारी तीन वाजेपर्यंत
परिणाम ः यादरम्यान अप-डाऊन धीम्या मार्गावरील लोकलची वाहतूक अप-डाऊन जलद मार्गावरून चालविण्यात येणार आहे. ब्लॉक कालावधीत अप-डाऊन मार्गावरील काही लोकल रद्द केल्या आहेत. तसेच काही अंधेरी, बोरिवली लोकल हार्बर मार्गावर गोरेगाव स्थानकापर्यंत चालविण्यात येणार आहेत.