कॅबचालकांचा संप स्थगित
मुंबई, ता. १९ : मुंबई महानगर प्रदेश (एमएमआर) आणि महाराष्ट्रातील इतर शहरांमध्ये ॲपआधारित कॅबचालकांचा सुरू असलेला संप शनिवारी स्थगित करण्यात आला. दरम्यान, सरकारने मागण्या पूर्ण न केल्यास पुन्हा संप करण्याचा इशारा संघटनांनी दिला आहे.
ॲपआधारित कॅबचालकांनी १४ जुलैपासून संप पुकारला होता. अ‍ॅग्रिगेटर कॅब धोरणाची त्वरित अंमलबजावणी, काळी-पिवळी टॅक्सींसोबत भाडे समानता, अ‍ॅपआधारित बाइक आणि ऑटोवर बंदी, टोल-फ्री क्रमांक मागे घेणे इत्यादी मागण्या मांडण्यात आल्या होत्या. सरकारने या मागण्या मान्य करण्यासाठी १५ दिवसांची मुदत मागितल्याने संप स्थगित करीत आहोत. सरकार आमच्या मागण्यांवर तोडगा काढण्यात अपयशी ठरल्यास पुन्हा संप पुकारण्यात येईल, असे आयएफएटीचे अध्यक्ष प्रशांत सावर्डेकर यांनी सांगितले.