मुंबई

राहत्या घरातच मानसिक छळ

CD

राहत्या घरातच मानसिक छळ
अभिनेत्री तनुश्री दत्ता यांचा आरोप
सकाळ वृत्तसेवा
मुंबई, ता. २३ ः बॉलीवूड अभिनेत्री आणि मी टू चळवळीची प्रणेती तनुश्री दत्ताने ओशिवरा येथील राहत्या घरी गेल्या पाच वर्षांपासून परिचित, अपरिचित व्यक्तींकडून मानसिक छळ सुरू असल्याचा दावा इन्स्टाग्राम पोस्टद्वारे केला. या प्रकरणी पोलिस तक्रार करणार असल्याचे तिने या पोस्टमध्ये नमूद केले. दरम्यान, बुधवारी रात्री एका वृत्तवाहिनीला दिलेल्या मुलाखतीत अभिनेता सुशांतसिंह राजपूत प्रमाणे आपली अवस्था करण्याचा बॉलीवूड माफियांचा प्रयत्न असल्याचा दावा तनुश्रीने केला.
काही वर्षांपूर्वी तनुश्रीने अभिनेते नाना पाटेकर यांच्याविरोधात विन्यभंगाचा आरोप केला होता. त्यानंतर माझा जिथे-तिथे पाठलाग आणि संशयास्पद हालचाली सुरू झाल्या. माझे करिअर उद्ध्वस्त झाले. अगदी माझ्या घरातले नोकरसुद्धा माझ्या प्रत्येक हालचालींवर लक्ष ठेवतात, माझ्याविषयीची माहिती बॉलीवूड माफिया गँगला पुरवतात, असा आरोपही तिने या मुलाखतीत केला. मला यापूर्वीचे (नाना पाटेकर) प्रकरण पुन्हा उकरायचे नाही; मात्र सरकारने हे प्रकरण गांभीर्याने आणि नव्या दृष्टिकोनातून पहावे, अशी विनंतीही तिने केली आहे. या छळामागे एक वलयांकित व्यक्ती असल्याचे संकेत तनुश्रीचे वकील ॲड. नितीन सातपुते यांनी माध्यमांना प्रतिक्रिया देताना सांगितले. येत्या दोन दिवसांत पोलिसांकडे तपशीलवार तक्रार करणार असल्याचेही त्यांनी स्पष्ट केले.
---
तनुश्री काय म्हणाली?
इन्स्टाग्रामवर मंगळवारी केलेल्या पोस्टमध्ये तनुश्री ओक्साबोक्शी रडत आपबीती कथन करताना दिसते. २०२० पासून घराबाहेर, वरच्या मजल्यावर अवेळी मोठमोठे आवाज केले जातात. दार ठोठावले जाते. घरातील नोकरही संशयास्पद वागतात. गेल्या पाच वर्षांपासून हा छळ सुरू असल्याने ‘क्रॉनिक फटिग सिंड्रोम’ हा विकार बळावला आहे. मी प्रचंड आजारी असून या छळामुळे कोणतेच काम करू शकत नाही. याबद्दल मी पोलिसांकडे तोंडी तक्रार केली होती. त्यांनी तक्रार देण्यासाठी मला पोलिस ठाण्यात बोलावले आहे. मी तक्रार करणार आहे, असे तनुश्री म्हणाली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Radhanagari Dam : राधानगरी धरणाचे दोन दरवाजे उघडले, नदी काठच्या गावांना सतर्कतेचा इशारा

IND vs ENG 4th Test: इंग्लंडचे 'Root' भक्कम! जो रूटची १५० धावांची खेळी, अनेक विक्रम अन् भारताविरुद्ध मोठी आघाडी

Shashikant Shinde : सध्याचे सरकार हे राज्याची तिजोरी रिकामी करून आलेले सरकार; महापालिका निवडणुकीसाठी कामाला लागण्याचे दिले आदेश

Narayangaon Crime : लूटमार करणाऱ्या तीन गावगुंडांवर गुन्हा दाखल; दोन आरोपींना अटक

Indapur News : क्रिकेट खेळताना 32 वर्षीय तरुणाचा हृदयविकाराच्या धक्क्याने मृत्यू

SCROLL FOR NEXT