अनिल अंबानी समूहावरील धाडसत्र सुरूच
मुंबई, ता. २६ : येस बँकेच्या प्रमुखांना लाच देऊन तब्बल तीन हजार कोटींचे कर्ज घेण्यासह ती रक्कम बोगस कंपन्यांसह अन्यत्र वळविल्याच्या आरोपात अनिल अंबानी यांच्या उद्योग समूहावरील सक्तवसुली संचालनालयाचे (ईडी) धाडसत्र शनिवारीही (ता. २६) सुरू राहिले.
अंबानी यांच्या अनिल धीरूभाई अंबानी समूहाशी संबंधित सुमारे ५० कंपन्या आणि २५ व्यक्तींच्या कार्यालय, निवासस्थानी गुरुवार (ता. २४)पासून ही कारवाई सुरू आहे. त्यात महत्त्वाचे कागदोपत्री आणि तांत्रिक पुरावे गोळा करण्याचा प्रयत्न ईडीकडून सुरू असल्याचे असे सांगण्यात आले. २०१७ ते २०१९ या दोन वर्षांत अनिल अंबानी यांच्या समूहाशी संलग्न रिलायन्स होम फायनान्स लिमिटेड आणि रिलायन्स कमर्शिअल फायनान्स लिमिटेड या कंपन्यांना येस बँकेने तब्बल तीन हजार कोटींचे कर्ज देऊ केले, ती रक्कम या कंपन्यांद्वारे अन्य संलग्न किंवा बोगस कंपन्यांमध्ये वळविण्यात आली, लाच देऊन हे कर्ज मिळवल्याचा दाट संशय ईडीला आहे, असे सूत्रांकडून समजते. एका अधिकाऱ्याने दिलेल्या माहितीनुसार, कर्ज मंजूर होण्याआधी येस बँकेच्या संस्थापकांना कोट्यवधींची रक्कम पोच केल्याचे पुरावे हाती लागले आहेत. कर्ज मंजूर करण्याआधी आवश्यक प्रक्रियेस बँकेने बगल दिली. अर्ज केला त्याच दिवशी किंवा त्याआधीच बँकेने कर्ज मंजूर केले, अशी माहिती तपासातून उघड झाली असून त्याबाबत खातरजमा सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.