‘टिस’च्या कुलगुरूपदी प्रो. बद्रीनारायण तिवारी
सकाळ वृत्तसेवा
मुंबई, ता. ३० ः टाटा इन्स्टिट्यूट ऑफ सोशल सायन्सेसच्या (टिस) कुलगुरूपदी प्रयागराज येथील प्रो. बद्री नारायण तिवारी यांची नियुक्ती करण्यात आली आहे. केंद्रीय शिक्षण विभागाने बुधवारी याबाबत घोषणा केली. ‘टिस’चे कुलगुरूपद मागील काही महिन्यांपासून रिक्त होते. पीएचडीच्या विद्यार्थ्यांच्या निलंबनानंतर झालेली आंदोलने, ओबीसी आणि इतर विद्यार्थ्यांची नाकारलेली शिष्यवृत्ती, इत्यादी कारणांमुळे ‘टिस’ चर्चेत होते. त्यानंतर आता केंद्र सरकारने प्रयागराजच्या गोविंद वल्लभ पंत सोशल सायन्सेस इन्स्टिट्यूटचे संचालक प्रो. तिवारी यांची ‘टिस’च्या कुलगुरूपदी नियुक्ती केली आहे.