मानसिक आरोग्यासाठी ‘प्रोजेक्ट मन’
७५ हजारांहून अधिक सीआयएसएफ कर्मचाऱ्यांना लाभ
सकाळ वृत्तसेवा
मुंबई, ता. १ : ‘एमपॉवर’ या उपक्रमाअंतर्गत राबविण्यात येणाऱ्या ‘प्रोजेक्ट मन’द्वारे ७५ हजारांहून अधिक सीआयएसएफ कर्मचारी आणि त्यांच्या कुटुंबीयांना मानसिक आरोग्यसेवा मिळाल्या आहेत. नोव्हेंबर २०२४ मध्ये सीआयएसएफ आणि संबंधित संस्थांमधील सामंजस्य करारानंतर या प्रकल्पाची अंमलबजावणी सुरू झाली.
सीआयएसएफचे महासंचालक आर. एस. भट्टी यांनी उपक्रमाचा आढावा घेतला. ८,५०६ अधिकाऱ्यांना प्राथमिक मानसिक तणाव ओळखण्याचे प्रशिक्षण, तर २१ हजार कर्मचाऱ्यांची सायकोमेट्रिक चाचणी घेण्यात आली. यामुळे वैवाहिक मतभेद, नैराश्य, आर्थिक ताणतणाव यांसारख्या समस्या वेळीच ओळखून समुपदेशन देता आले.
‘एमपॉवर’ हा उपक्रम आदित्य बिर्ला एज्युकेशन ट्रस्टच्या माध्यमातून राबवला जात असून, देशभरात २४x७ हेल्पलाइन, समुपदेशन, सायकोमेट्रिक स्क्रीनिंग आणि पीअर एंगेजमेंटद्वारे कर्मचाऱ्यांना आणि त्यांच्या कुटुंबीयांना मानसिक आरोग्यसेवा पुरवण्यात आल्या आहेत.
मानसिक आरोग्याला प्राधान्य
२०२४-२५ मध्ये आत्महत्येचे प्रमाण राष्ट्रीय सरासरीपेक्षा कमी आल्याचे महत्त्वाचे निरीक्षण आहे. या यशामुळे उपक्रम पुढे सुरू ठेवण्याचा निर्णय घेण्यात आला असून, सीआयएसएफने आपल्या प्रणालीत वेलनेस प्रोटोकॉल्स समाविष्ट करत मानसिक आरोग्याला प्राधान्य दिले आहे. त्यामुळे आत्महत्यांमध्ये ४० टक्के घट झाल्याचे सकारात्मक परिणाम दिसून आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.