प्रवासी आरक्षण प्रणाली बंद राहणार
सकाळ वृत्तसेवा
मुंबई, ता. १ : मुंबई प्रवासी आरक्षण प्रणालीमधील (पीआरएस) ‘सिस्टम डिस्क डीफ्रॅगमेंटेशन आणि सिस्टम पॅरामीटर ट्यूनिंग’ कामासाठी २ ऑगस्ट रोजी रात्री ११.४५ वाजल्यापासून ते ३ ऑगस्ट रोजी पहाटे ३.४५ वाजेपर्यंत प्रणालीचे काम बंद राहणार आहे.
प्रणाली बंद राहिल्यामुळे पीआरएस, कोचिंग रिफंड, चार्टिंग कार्यवाही, ट्रेन फायरिंग तसेच आयव्हीआरएस, चालू आरक्षण, चार्ट डिस्प्ले, टच स्क्रीन, रिफंड काउंटर, कोचिंग रिफंड टर्मिनल आदी सेवा उपलब्ध राहणार नाहीत. तसेच विद्यमान परतावा नियमांनुसार परतफेडीसाठी टिकट डिपॉझिट रिसीट (टीडीआर) जारी करण्यात येईल. या कालावधीत गाड्यांसाठी इंटरनेट बुकिंग सेवाही उपलब्ध राहणार नाही.