माजी नगरसेवकाला
खंडणीप्रकरणी अटक
मुंबई, ता. १ : शिवसेना शिंदे गटाचे पदाधिकारी, माजी नगरसेवक कमलेश राय यांना खंडणीच्या गुन्ह्यात एमआयडीसी पोलिसांनी शुक्रवारी (ता. १) ताब्यात घेतले. रात्री उशिरा त्यांच्या अटकेची प्रक्रिया सुरू करण्यात आल्याचे वरिष्ठ अधिकाऱ्याने सांगितले.
एमआयडीसी पोलिस ठाण्याच्या हद्दीत सुरू असलेल्या बांधकाम प्रकल्प राबविणाऱ्या व्यावसायिकाकडे ५० लाख रुपयांची खंडणी मागितल्याचा आरोप राय यांच्यावर आहे. तशी तक्रार व्यावसायिकाच्या प्रकल्प स्थळावरील अधिकाऱ्याने गुरुवारी एमआयडीसी पोलिस ठाण्यात केली. त्याआधारे गुन्हा नोंदवून राय यांना शुक्रवारी ताब्यात घेतल्याचे या अधिकाऱ्याने स्पष्ट केले.
राय शिवसेनेतर्फे दोन वेळा पालिका निवडणूक जिंकले. २०१७मध्ये झालेल्या निवडणुकीत त्यांची पत्नी निवडून आली. उपमुख्यमंत्री एकनाथ शिंदे यांनी स्वतंत्र राजकीय चूल मांडल्यावर राय दाम्पत्य त्याच्या गटात सामील झाले. शिवसेना (शिंदे) गटाच्या उत्तर भारतीय विभागाची जबाबदारी राय यांच्यावर सोपविण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.