विनातिकीट प्रवाशांवर बडगा
मध्य रेल्वेकडून ८६.७३ कोटींचा दंड वसूल
सकाळ वृत्तसेवा
मुंबई, ता. ६ : मध्य रेल्वेच्या तिकीट तपासणी पथकांनी एप्रिल ते जुलै २०२५ या कालावधीत मोठी मोहीम राबवत १४.४३ लाख विनातिकीट व वैध तिकीट नसलेल्या प्रवाशांवर कारवाई केली असून, त्यांच्याकडून ८६.७३ कोटी दंड वसूल केला आहे.
जुलै महिन्यात ३.०८ लाख अनधिकृत प्रवाशांवर कारवाई करत मध्य रेल्वेने १६ कोटी दंड वसूल केला. गेल्यावर्षीच्या जुलैच्या तुलनेत दंडाची रक्कम दुप्पट वसूल केली आहे. प्रवाशांना सुरक्षित, सुकर व आरामदायी सेवा मिळावी, यासाठी मेल- एक्स्प्रेस, पॅसेंजर, विशेष गाड्यांपासून मुंबई-पुणे उपनगरी सेवेपर्यंत सर्व विभागांमध्ये ही मोहीम राबविण्यात आली.
----
विभागवार कामगिरी
विभाग - प्रकरण - दंड
मुंबई विभाग : ५.७३ लाख - २४.२९ कोटी
भुसावळ विभाग : ३.८५ लाख - ३३.४९ कोटी
नागपूर विभाग : १.५६ लाख - ९.७६ कोटी
पुणे विभाग : १.५२ लाख - ८.४२ कोटी
सोलापूर विभाग : ८५ हजार - ४.१८ कोटी
मुख्यालय : ९१ हजार - ६.५८ कोटी
......