शिक्षक अभियोग्यता व बुद्धिमत्ता चाचणी परीक्षेचा आज निकाल
मुंबई, ता. १७ : शिक्षक अभियोग्यता व बुद्धिमत्ता चाचणी परीक्षेचा निकाल सोमवारी (ता. १८) जाहीर करण्यात येणार असल्याची माहिती महाराष्ट्र राज्य परीक्षा परिषदेच्या आयुक्त अनुराधा ओक यांनी दिली. शासनाच्या २ मे २०२५च्या पत्रान्वये उमेदवारांनी व्यावसायिक अर्हता त्याचवेळीच्या संधीत उत्तीर्ण झाल्याचे गुणपत्रक वा अन्य वैध प्रमाणपत्र महाराष्ट्र राज्य परीक्षा परिषदेकडे हे व्यावसायिक परीक्षा उत्तीर्ण झाल्याच्या दिनांकापासून कमाल एक महिना कालावधीत सादर करण्याबाबत राज्य परीक्षा परिषदेच्या १६ जुलै २०२५ रोजीच्या प्रसिद्धी निवेदना‌द्वारे प्रसिद्धी देण्यात आली होती. या परीक्षेस एकूण २,२८,८०८ परीक्षार्थींनी नोंदणी केली होती; त्यापैकी परीक्षेस एकूण २,११,३०८ प्रविष्ट झाले होते.