समुद्रात आढळला बेपत्ता तरुणीचा मृतदेह

मुंबई : कफ परेड येथील गणेशमूर्तीनगरातून बेपत्ता तरुणीचा मृतदेह सोमवारी (ता. २५) दुपारी समुद्रात आढळला. कफ परेड पोलिसांनी मृतदेह शवचिकित्सेसाठी पाठवला असून, अपघाती मृत्यूच्या नोंदीआधारे चौकशी, तपास सुरू केला आहे. मनिता गुप्ता असे या तरुणीचे नाव असून, तिने आत्महत्या केली की ती अपघाताने समुद्रात पडली, याबाबत तपास सुरू आहे. प्राथमिक चौकशीत प्राप्त माहितीनुसार रविवारी संध्याकाळी नैसर्गिक विधीसाठी घराबाहेर पडलेली मनिता घरी परतली नाही. शोधाशोध करूनही पत्ता न लागल्याने पालकांनी मध्यरात्री पोलिस ठाणे गाठून तक्रार दिली.