मुंबईत मृत्यूपश्चात
३९वे अवयवदान
सकाळ वृत्तसेवा
मुंबई, ता. १९ : मुंबईत मृत्यूपश्चात ३९व्या अवयवदानाची नोंद १७ सप्टेंबरला झाली. सर एच. एन. रिलायन्स फाउंडेशन हॉस्पिटलमध्ये उपचार घेत असलेल्या ५९ वर्षीय पुरुष रुग्णाला मेंदूमृत घोषित करण्यात आल्यानंतर त्यांच्या कुटुंबीयांनी अवयवदानाचा निर्णय घेतला. या वेळी यकृत आणि दोन्ही मूत्रपिंड दान करण्यात आले. सप्टेंबरमधील हे पाचवे अवयवदान ठरले आहे. राज्य सरकारने ठरवलेल्या मार्गदर्शक तत्त्वांनुसार झेडटीसीसीच्या समन्वयातून अवयवांचे वितरण प्रत्यारोपणासाठी करण्यात आले.