बदनामीची धमकी देत खंडणीची मागणी

मुंबई, ता. ८ ः बदनामीची धमकी देत ३० लाखांची खंडणी मागितल्याचा आरोप करीत दादर पोलिसांनी २६ वर्षीय महिलेविरोधात गुन्हा नोंदवला. एका राष्ट्रीयीकृत बँकेच्या व्यवस्थापकाने दिलेल्या तक्रारीआधारे ही कारवाई केल्याचे पोलिसांनी सांगितले. बँकेत ये-जा असलेल्या महिलेसोबत व्यवस्थापकाची ओळख झाली. पुढे त्यांच्यात प्रेमसंबंध निर्माण झाले. दोघांमध्ये सहमतीने शरीरसंबंधही घडले; मात्र या महिलेने पत्नीसमोर बिंग फोडेन, बलात्काराची तक्रार दाखल करीन, अशी धमकी देत ३० लाख रुपयांची खंडणी मागितली. त्यातील पाच लाख तिने एका वकील महिलेच्या कार्यालयात स्वीकारले, असा दावा व्यवस्थापकाने केल्याचे पोलिसांनी सांगितले.