वरळीत १० मजली इमारतीत आग
सकाळ वृत्तसेवा
मुंबई, ता. १२ : वरळी सी-फेस परिसरातील खान अब्दुल गफार खान मार्गावरील ‘गुलरुख’ या १० मजली इमारतीच्या सहाव्या मजल्यावर रविवारी रात्री आठ वाजण्याच्या सुमारास आग लागली. घटनेबाबत कळताच अग्निशमन दलाने तातडीने घटनास्थळी धाव घेतली. आगीमुळे संपूर्ण इमारतीत धूर पसरला होता. अग्निशमन दलाने इमारतीतील नागरिकांना बाहेर काढून आगीवर नियंत्रण मिळवले. त्यामुळे या घटनेत कोणतीही जीवितनाही झाली नाही. दरम्यान, आगीचे नेमके कारण स्पष्ट झाले नसून, परिस्थिती नियंत्रणात असल्याची माहिती महापालिकेच्या अधिकाऱ्यांनी दिली.