मुंबईतील वायू प्रदूषणावर
पालिकेची कार्यशाळा
सकाळ वृत्तसेवा
मुंबई, ता. १३ : शहरातील वाढत्या वायू प्रदूषणावर नियंत्रण मिळवण्यासाठी महापालिकेने आता बांधकाम स्थळांवर लक्ष केंद्रित केले आहे. या पार्श्वभूमीवर महापालिकेने आणि डब्ल्यूआरआय इंडियाच्या संयुक्त विद्यमाने ‘बांधकाम स्थळांवर वायू प्रदूषण शमन’ या विषयावर कार्यशाळेचे आयोजन केले हाेते.

या उपक्रमाला महाराष्ट्र प्रदूषण नियंत्रण मंडळ, नॅरडको, क्रेडाई-एमसीएचआय, आयएसीसी आणि पिटा यांचे सहकार्य मिळाले. या कार्यशाळेत १०८ बांधकाम व्यावसायिक, विकसक, अभियंते आणि प्रकल्प व्यवस्थापक सहभागी झाले.
महापालिका उपायुक्त (पर्यावरण) अविनाश काटे म्हणाले, ‘मुंबईत वेगाने होणाऱ्या विकासासोबतच बांधकामातील धूळ व उत्सर्जन हे प्रदूषणाचे प्रमुख घटक ठरत आहेत. स्थळांवर महापालिकेच्या मार्गदर्शक तत्त्वांचा अवलंब केल्यास प्रदूषण कमी होईल आणि आरोग्यदायी वातावरण तयार होईल.’ डब्ल्यूआरआय इंडियाचे संदीप नारंग यांनी बांधकामातील प्रदूषणाचे स्राेत आणि त्यावर नियंत्रणासाठी उपाय यावर मार्गदर्शन केले.
...........