मालाडमध्ये पाच गाळ्यांना आग
सकाळ वृत्तसेवा
मुंबई, ता. १८ : मालाड येथील पिंपरीपाडा परिसरात संजयनगरमधील पाच व्‍यावसायिक गाळ्यांना भीषण आग लागल्याची घटना शनिवारी दुपारी घडली. या आगीत माेठ्या प्रमाणात नुकसान झाले आहे. अग्निशमन दलाने अडीच तासांनंतर या आगीवर नियंत्रण मिळवले. या घटनेत काेणतीही जीवितहानी झालेली नाही. शाॅर्टसर्किटमुळे ही आग लागल्याचा प्राथमिक अंदाज वर्तविण्यात येत आहे.

मुंबई अग्निशमन दलाच्या माहितीनुसार, शुक्रवारी सायंकाळी ४.१५ वाजता आग लागली. ती पुन्हा शनिवारी दुपारी पावणेएकच्या सुमारास पुन्हा भडकली. या आगीत चार ते पाच गाळे खाक झाली. यात इलेक्ट्रिक वायरिंग, स्टीलची कपाटे, फर्निचर, मशिनरी, प्लायवूडचा साठा, चित्रीकरणाचे साहित्य, सजावटीच्या वस्तू, डेअरी व्यवसायाचे साहित्य, संगणक, पंखे इत्यादी वस्तूंचे नुकसान झाले. अग्निशमन दलाने दुपारी ३.४५ वाजता आगीवर पूर्ण नियंत्रण मिळवले. स्तर-२च्या आगीत काेणीही जखमी झालेले नाही, अशी माहिती पालिकेच्या आपत्कालीन नियंत्रण कक्षाने दिली. अग्निशमन दलाने तत्परता दाखवून आग वेळीच आटाेक्यात आणल्यामुळे निवासी भागाला झळ बसली नाही. त्यामुळे माेठा अनर्थ टळल्याने सर्वांनीच सुटकेचा नि:श्वास साेडला.
............