दिवाळीच्या निमित्ताने आयोजित एक तासाच्या विशेष मुहूर्त ट्रेडिंग सत्रात भारतीय शेअर बाजार निर्देशांकाने किंचित वाढ नोंदविली. सेन्सेक्स ६२.९७ अंश तर निफ्टी २५.४५ अंश वाढला. लक्ष्मीपूजनाच्या दिवशी दुपारी पावणे दोन ते पावणे तीन दरम्यान हे मुहूर्त ट्रेडिंग सत्र झाले. यात सेन्सेक्स ८४ हजार २८६ च्या खाली गेला नाही. दिवसअखेरीस सेन्सेक्स ८४ हजार ४२६.३४ अंशांवर, तर निफ्टी २५ हजार ८६८.६० अंशांवर स्थिरावला. ‘मिडकॅप’ आणि ‘स्मॉलकॅप’ या निर्देशांकांनी वाढ दाखविली. धातूनिर्मिती, प्रसारमाध्यमे आणि दूरसंचार या क्षेत्रातही मोठी वाढ झाल्याचे पाहायला मिळाले.