मुंबईत उद्या संविधान महोत्सव जागृती परिषद
मुंबई, ता. २३ ः अमृतमहोत्सवी संविधान दिनाच्या पार्श्वभूमीवर मंगळवारी (ता. २५) ‘आंबेडकरी स्त्री संघटने’तर्फे संविधान महोत्सव जागृती परिषदेचे आयोजन करण्यात आले आहे. दादर पूर्वेतील डॉ. आंबेडकर भवनमध्ये सकाळी १० ते सायंकाळी ६ पर्यंत ही परिषद हाेणार आहे. संघटनेच्या संस्थापक प्रा. आशालता कांबळे या परिषदेच्या निमंत्रक, तर कवयित्री डॉ. प्रज्ञा दया पवार या अध्यक्षा आहेत. परिषदेचे उद्‌घाटन अभिनेते, कवी डॉ. मिलिंद शिंदे यांच्या हस्ते होणार आहे, तर समारोप विचारवंत प्रा. डॉ. राम पुनियानी करणार आहेत. दिवसभरात टॉक शो, सांस्कृतिक कार्यक्रम हाेणार आहेत.