कलिंगडाच्या आकाराची
गाठ काढण्यात यश
मुंबई, ता. ३ : हृदयाचे ठोके वाढलेले, तीव्र थायरॉइड आणि आतडीला पीळ असतानाही एका महिलेच्या पोटातील कलिंगडाच्या आकाराची गाठ काढण्यात सेंट जॉर्ज रुग्णालयातील डॉक्टरांना यश आले. मीरा कनोजिया असे या महिलेचे नाव असून, गेल्या अनेक दिवसांपासून त्या या आजाराचा सामना करीत होत्या. सुरुवातीला टिटवाळ्यात त्यांनी उपचार घेतले; मात्र त्रास कमी होत नसल्याने त्यांना सेंट जॉर्ज रुग्णालयात दाखल करण्यात आले. स्त्रीरोगतज्ज्ञ डॉ. राजश्री कटके यांनी शस्त्रक्रिया करीत जीवदान दिले. बुधवारी (ता. ३) या महिलेला रुग्णालयातून डिस्चार्ज देण्यात आला.