जोगेश्वरी येथे वृद्धेची हत्या
मुंबई : जोगेश्वरी येथे घरी एकाकी राहणाऱ्या हवाबी दळवी या ६८ वर्षीय वृद्धेची गुरुवारी हत्या झाली. मेघवाडी पोलिसांनी हत्येचा गुन्हा नोंदवून तपास सुरू केला आहे. जोगेश्वरी पूर्वेकडील झुला मैदान परिसरात हवाबी राहत होत्या. दोन्ही मुलींचे लग्न झाल्यानंतर त्या एकट्या पडल्या. गुरुवारी दिवसभर त्या घराबाहेर न पडल्याने शेजाऱ्यांच्या मनात शंकेची पाल चुकचुकली. रात्री ११च्या सुमारास शेजाऱ्यांना त्या घरात मृतावस्थेत आढळल्या. गळा आवळून त्यांची हत्या करण्यात आली.