पी अ‍ॅण्ड टी कॉलनीतील वृक्षांवर कुऱ्हाड
मुंबई, ता. ८ : अंधेरी पूर्व येथील सहार रोडवरील पी अ‍ॅण्ड टी कॉलनी परिसरात चार पूर्ण वाढ झालेल्या वृक्षांची बेकायदा तोड झाल्याची गंभीर घटना उघडकीस आली आहे. के पूर्व विभागातील या परिसरात पोस्ट्स अ‍ॅण्ड टेलिग्राफ (पी अँड टी) विभागाने नियुक्त केलेल्या कंत्राटदाराकडून ही वृक्षतोड करण्यात आल्याची तक्रार वॉचडॉग फाउंडेशनने आहे. याबाबत पालिकेच्या उद्यान विभागाशी संपर्क केला असता तो होऊ शकला नाही. वॉचडॉग फाउंडेशनचे प्रमुख यांनी केलेल्या तक्रारीनुसार, ही तोड कोणत्याही प्रकारची पूर्वपरवानगी न घेता करण्यात आली असून, महाराष्ट्र (शहरी क्षेत्र) वृक्षसंवर्धन अधिनियम १९७५च्या तरतुदींचे हे थेट उल्लंघन आहे. विनापरवानगी वृक्षतोडीबाबत अधिनियमातील कलम ३, ८ आणि २१ अन्वये गुन्हा दाखल होणे अनिवार्य आहे. तसेच पर्यावरणीय हानी आणि सार्वजनिक मालमत्तेचे नुकसान यासंदर्भात भारतीय न्यायसंहिता २०२३ मधील संबंधित कलमेही लागू करण्याची मागणी केली आहे.