नागपूर ः मुंबई महानगर क्षेत्रातील तब्बल २० हजार इमारतींसाठी सुधारित भोगवटा अभय योजना आणून दिलासा देणारा ऐतिहासिक निर्णय शासनाने घेतला असून त्याची अंमलबजावणी आजपासून सुरू झाली आहे, अशी माहिती मंत्री उदय सामंत यांनी दिली. आमदार मंगेश कुडाळकर, मुरजी पटेल, अनंत नर यांनी उपस्थित केलेल्या लक्षवेधी सूचनेवर बोलताना मंत्री डॉ. सामंत म्हणाले, की मुंबईकरांची गेल्या ५० वर्षांची मागणी काल उपमुख्यमंत्री आणि नगरविकास मंत्री एकनाथ शिंदे यांनी सभागृहात पूर्ण केली. या निर्णयाचा थेट लाभ चार ते पाच लाख सदनिकांना म्हणजेच जवळपास २० लाख नागरिकांना होणार आहे.