भरधाव ट्रकच्या धडकेत दोघांचा मृत्यू

मुंबई, ता. १४ ः भरधाव ट्रकने दिलेल्या धडकेत दुचाकीस्वार आणि त्याच्या मित्राचा मृत्यू झाल्याची घटना शनिवारी (ता. १३) रात्री पश्चिम द्रुतगती महामार्गावर दहिसर येथे घडली. अपघातानंतर जखमी तरुणांना वैद्यकीय मदत न देता पसार झालेल्या ट्रकचालकाला पोलिसांनी गुजरात येथून अटक केली. झहीर अमलानी आणि इर्शाद हुसेन अशी मृत तरुणांची नावे आहेत. मिरा रोड येथे राहणारा झहीर मालाड परिसरातील खासगी कंपनीत नोकरी करतो. मित्र इर्शादसोबत तो मध्यरात्री घरी निघाला होता. तेव्हा हा अपघात घडल्याचे पोलिसांनी सांगितले.