मुंबईकरांच्या विकासासाठी कटिबद्ध : मुख्यमंत्री
मुंबई, ता. ३० : मुंबईकरांच्या विकासासाठी आम्ही कटिबद्ध आहोत, अशी हमी मुंबईकरांना देताना मुख्यमंत्री देवेंद्र फडणवीस यांनी मंगळवारी महायुतीच्या उमेदवारांना शुभेच्छा दिल्या. भाजप-शिवसेना युतीची सोमवारी (ता. २९) रात्री उशिरा अधिकृत घोषणा झाल्यानंतर मुख्यमंत्र्यांनी आज ही प्रतिक्रिया व्यक्त केली. जागावाटपात महायुतीचे इतर घटक पक्षही समाविष्ट आहेत. पंतप्रधान नरेंद्र मोदी यांच्या नेतृत्वाखाली आम्ही मुंबईचा विकास करीत आहोत. मुंबईकरांचे जीवन सुकर होण्यासाठी विकासकामे कोणी केली, हे मुंबईकरांना ठाऊक असल्यामुळे मुंबईकर महायुतीच्या पाठीशी ठामपणे उभे राहतील, असा विश्वासही फडणवीस यांनी व्यक्त केला.