निवडणूक प्रक्रियेत बाधा पोहोचवल्याप्रकरणी कनिष्ठ लेखापरीक्षक निलंबित
सकाळ वृत्तसेवा
मुंबई, ता. १ : मुंबई महापालिका सार्वत्रिक निवडणूक २०२५-२६दरम्यान गैरवर्तन करून निवडणूक प्रक्रियेत अडथळा निर्माण केल्याबद्दल वित्त विभागातील कनिष्ठ लेखापरीक्षक दीपक जोहरे यांना निलंबित करण्यात आले आहे. अतिरिक्त महापालिका आयुक्त (शहर) डॉ. अश्विनी जोशी यांनी हे आदेश दिले. जोहरे यांच्याविरुद्ध प्राप्त झालेल्या तक्रारी व पुराव्यांच्या आधारे प्रथमदर्शनी चौकशीत गंभीर गैरवर्तन सिद्ध झाले. निवडणूक प्रक्रिया पारदर्शक व शिस्तबद्ध ठेवण्यासाठी कोणतेही अनैतिक वर्तन सहन केले जाणार नाही, असेही डॉ. जोशी यांनी स्पष्ट केले आहे.