माजी नगरसेविकेसह
पदाधिकारी भाजपमध्ये
मुंबई, ता. ३ ः ऐन निवडणुकीच्या तोंडावर भांडुपमधील महाराष्ट्र नवनिर्माण सेनेच्या विभाग अध्यक्षा आणि माजी नगरसेविका वैष्णवी सरफरे यांच्यासह महिला पदाधिकाऱ्यांनी प्रदेशाध्यक्ष रवींद्र चव्हाण यांच्या उपस्थितीत भाजपमध्ये प्रवेश केला.
सरफरे या प्रभाग ११५ मध्ये मनसेकडून इच्छुक उमेदवार होत्या; मात्र पक्षाने ज्योती राजभोज यांना उमेदवारी दिल्याने त्यांनी नुकताच मनसेच्या सदस्यत्वाचा राजीनामा दिला. भाजपच्या विद्यमान उमेदवार स्मिता परब यांच्या प्रचार कार्यालयाच्या उद्‍घाटन कार्यक्रमात प्रदेशाध्यक्ष चव्हाण यांच्या उपस्थितीत सरफरे यांच्यासह अन्य महिला पदाधिकाऱ्यांनी भाजपमध्ये प्रवेश केला.