सदानंद दाते यांनी स्वीकारला पदभार

मुंबई, ता. ३ : राज्यातील महापालिका निवडणुकीच्या धामधुमीत ज्येष्ठ आयपीएस अधिकारी सदानंद दाते यांनी शनिवारी (ता. ३) राज्याच्या पोलिस महासंचालक पदाचा पदभार स्वीकारला. मावळत्या महासंचालक रश्मी शुक्ला यांचा वाढीव कार्यकाळ शुक्रवारी (ता. २) पूर्ण झाला. शुक्ला यांना शिष्टाचाराप्रमाणे सेवानिवृत्तीनंतर नायगाव येथील पोलिस मुख्यालयात निरोप देण्यात आला. त्यानंतर त्यांनी या पदाचा पदभार दाते यांच्याकडे सोपवला. राष्ट्रीय तपास यंत्रणेच्या प्रमुख पदावरून कार्यमुक्त झालेले दाते १९९०च्या तुकडीचे आयपीएस अधिकारी आहेत. कर्तव्यकठोर आणि तत्त्व, कायद्याशी तडजोड न करणारे, अशी त्यांची पोलिस दलात ओळख आहे.