मल्लिका ढसाळ यांच्या प्रकृतीची मुख्यमंत्र्यांकडून विचारपूस

मुंबई, ता. १४ : दिवंगत नामदेव ढसाळ यांच्या पत्नी ज्येष्ठ साहित्यिका मल्लिका शेख-ढसाळ यांच्या प्रकृतीची मुख्यमंत्री देवेंद्र फडणवीस यांनी बुधवारी (ता. १४) विचारपूस केली. त्यांना उपचारासाठी लागणाऱ्या सर्व गोष्टींसाठी मदत करण्याचे आश्वासन मुख्यमंत्री फडणवीस यांनी दिले आहे. मल्लिका या गेल्या काही दिवसांपासून आजारी असल्याची माहिती मुख्यमंत्री फडणवीस यांना मिळतात, त्यांनी मोबाईलवर मल्लिका यांची विचारपूस केली. ‘नामदेव ढसाळ आणि आपल्या कुटुंबाचे समाजासाठी, तसेच साहित्य क्षेत्रासाठी मोठे योगदान आहे, त्यामुळे आपण काळजी करू नये, सर्व प्रकारची मदत आपणांस होईल,’ असे आश्वासनही मुख्यमंत्री फडणवीस यांनी मल्लिका यांना दिले.