एमपीएड, एमएड सीईटीच्या प्रवेश नोंदणीस मुदतवाढ

मुंबई, ता. २० ः राज्य सामाईक प्रवेश परीक्षा कक्षातर्फे २०२६मध्ये घेतल्या जाणाऱ्या शैक्षणिक वर्ष २०२६-२७ साठी मास्टर ऑफ फिजिकल एज्युकेशन (एमपीएड) व मास्टर ऑफ एज्युकेशन (एमएड) या पदव्युत्तर अभ्यासक्रमाच्या सीईटीची प्रवेश नोंदणी ५ ते २० जानेवारीपर्यंत होती. या दोन्ही अभ्यासक्रमाच्या प्रवेश नोंदणीस २१ जानेवारीपासून ते १० फेब्रुवारीपर्यंत मुदतवाढ करण्यात येत आहे.
आजपर्यंत एमपीएड या अभ्यासक्रमास १,०३८ व एमएड या अभ्यासक्रमास १,२३४ विद्यार्थ्यांनी नोंदणी केली आहे. एमपीएड या अभ्यासक्रमाची प्रवेश परीक्षा २४ मार्चला होणार आहे, तर याची फिल्ड परीक्षा २५ मार्चला होणार आहे. एमएड या अभ्यासक्रमाची प्रवेश परीक्षा २५ मार्चला होणार आहे. या परीक्षेसाठी ऑनलाइन अर्ज, नोंदणी वेळापत्रक आणि माहिती पुस्तिका राज्य सामाईक प्रवेश परीक्षा कक्षाच्या www.mahacet.org या अधिकृत संकेतस्थळावर उपलब्ध करून देण्यात आली आहे.