व्हॅनिटी व्हॅन अपघातग्रस्त

मुंबई, ता. २० ः गोरेगाव येथील दादासाहेब फाळके चित्रनगरीत शनिवारी (ता. १७) व्हॅनिटी व्हॅन खड्ड्यात कोसळून अपघातग्रस्त झाली. यात सत्यम खेरवान जखमी झाला. जखमी तरुण चालक नाही. त्याच्यावर फक्त व्हॅनच्या साफसफाईची जबाबदारी होती. परवाना नसताना त्याला व्हॅन मालक अनिल शाम सिंग आणि प्रॉडक्शन युनिटमधील संबंधित कर्मचाऱ्याने व्हॅन एका ठिकाणाहून दुसरीकडे हलविण्यास भाग पाडले होते. याप्रकरणी पोलिसांनी मालक सिंग याच्याविरोधात गुन्हा नोंदवला.