भाजपला मनसेचा पाठिंबा नाही : राज
मुंबई, ता. २ : मुंबई महापालिकेत महापौरपदाच्या निवडणुकीत मनसे भाजपला पाठिंबा देणार नसल्याचे मनसे अध्यक्ष राज ठाकरे यांनी स्पष्ट केले. ठाकरे यांच्या उपस्थितीत ​सोमवारी मनसेचे नगरसेवक आणि प्रमुख नेत्यांची बैठक पार पडली. त्यानंतर माध्यमांशी बोलताना ठाकरेंनी महायुतीसोबत जाण्याचे वृत्त फेटाळून लावले. मुंबई महापालिकेत भाजपसोबत जाण्याबाबत या बैठकीत कोणतीही चर्चा झालेली नाही. तसेच आम्ही भाजपला पाठिंबा देणार नाही, असे ठाकरे यांनी स्पष्ट केले. ​मनसे नेते संदीप देशपांडे यांनीदेखील यासंदर्भात माध्यमांतील बातम्या चुकीच्या असल्याचे नमूद केले.