जितेंद्र सकपाळ यांची नियुक्ती
​
मुंबई, ता. १७ : जितेंद्र दगडू (दादा) सकपाळ यांची शिवसेना वैद्यकीय मदत कक्षाच्या राज्य कार्यकारिणी सदस्यपदी निवड करण्यात आली आहे.
उपमुख्यमंत्री एकनाथ शिंदे आणि खासदार डॉ. श्रीकांत शिंदे यांच्या सूचनेनुसार तसेच उपमुख्यमंत्री सहाय्यता निधीचे कक्षाचे प्रमुख मंगेश चिवटे यांच्या मार्गदर्शनाखाली ही निवड करण्यात आली आहे. ​शिवसेना वैद्यकीय मदत कक्षाचे महाराष्ट्र राज्य प्रमुख व कार्याध्यक्ष रामहरी राऊत यांच्या हस्ते नियुक्तीचे पत्र देऊन सकपाळ यांच्याकडे पदभार सोपविण्यात आला. सामान्यांना आरोग्यसेवा मिळवून देण्यासाठी आणि वैद्यकीय कक्षाचे कार्य अधिक विस्तारण्यासाठी ही नियुक्ती महत्त्वाची मानली जात आहे. ​याप्रसंगी वैद्यकीय मदत कक्षाचे सह-कार्याध्यक्ष माउली धुळगुंडे, घोडबंदर शाखाप्रमुख सचिन जोईजोडे, अनंत सावंत यांसह अनेक पदाधिकारी उपस्थित होते.