खोकल्याच्या सिरपच्या
९० टक्के युनिटची तपासणी
सकाळ वृत्तसेवा
मुंबई, ता. २३ : देशातील खोकल्याच्या सिरप उत्पादन क्षेत्रावर केंद्र सरकारने व्यापक गुणवत्ता मोहीम राबवली असून, सुमारे ९० टक्के उत्पादन युनिट्सची तपासणी पूर्ण करण्यात आली आहे. गुणवत्ता निकषांचे उल्लंघन आढळलेल्या सुमारे ८५० कंपन्यांना कॅपा नोटिसा बजावण्यात आल्या आहेत, अशी माहिती भारताचे औषध महानियंत्रक राजीव सिंग रघुवंशी यांनी दिली. इंडियन फार्मास्युटिकल अलायन्स यांच्या ११व्या ग्लोबल फार्मास्युटिकल क्वालिटी समिटमध्ये मुंबई येथे ते बोलत होते. त्यांनी सांगितले की, देशात अंदाजे १,३०० खोकल्याच्या सिरप उत्पादक युनिट्स आहेत. त्यापैकी सुमारे १,१५० युनिट्सची ‘रिस्क-बेस्ड इन्स्पेक्शन’ चौकटीत तपासणी करण्यात आली.