मराठी भाषा गौरव दिनानिमित्त दादरमध्ये विशेष व्याख्यान
मुंबई, ता. ३ : मराठी राजभाषा दिनाचे औचित्य साधून मुंबई मराठी ग्रंथसंग्रहालय, दादर स्वायत्त विभागाच्या वतीने विशेष कार्यक्रमाचे आयोजन करण्यात आले होते. ‘मराठी बोलू कौतुके’ या विषयावर सुप्रसिद्ध साहित्यिक आणि संपादक अशोक बेंडखळे यांनी आपले विचार मांडले.
हा कार्यक्रम शुक्रवारी (ता. २७) सकाळी ११ वाजता दादर (पश्चिम) येथील डॉ. डिसिल्वा रोडवरील ग्रंथसंग्रहालयाच्या सभागृहात झाला. मराठी भाषेच्या जतन आणि संवर्धनाच्या दृष्टीने हा उपक्रम महत्त्वपूर्ण ठरला. व्याख्यानात अशोक बेंडखळे यांनी मराठी भाषेचे सौंदर्य, अभिव्यक्तीची ताकद आणि नव्या पिढीतील भाषाजागृती यावर भाष्य केले. कार्यक्रमानंतर ग्रंथसंग्रहालयातर्फे आयोजित प्रश्नमंजुषा स्पर्धेतील विजेत्यांचा विशेष अभिनंदन सोहळाही झाला.