ई-चलानबाबत चर्चा निष्फळ
वाहतूकदार आंदोलनावर ठाम
सकाळ वृत्तसेवा
मुंबई, ता. ४ : ई-चलानच्या प्रश्नावर वाहतूकदारांनी गुरुवारी (ता. ५) आंदोलनाचा इशारा आहे. या पार्श्वभूमीवर ताेडगा काढण्यासाठी परिवहन आयुक्तांनी आज बैठक बोलावली होती. या बैठकीत कोणताही ठोस निर्णय न झाल्याने चर्चा निष्फळ ठरली. त्यानंतर आंदोलन अधिक तीव्र करण्याचा इशारा महाराष्ट्र ट्रान्सपोर्ट ॲक्शन कमिटीच्या वतीने देण्यात आला आहे.
राज्य सरकार या विषयाकडे गांभीर्याने पाहात नाही. राज्यातील सुमारे १५ लाख वाहतूकदार आणि लाखो खासगी वाहनचालकांशी संबंधित हा प्रश्न असून, जवळपास साडेचार हजार कोटी रुपयांच्या दंडाचा विषय प्रलंबित आहे. इतक्या मोठ्या आर्थिक भाराबाबत स्पष्ट भूमिका न घेतल्याने वाहतूकदारांमध्ये नाराजी आहे.
महाराष्ट्र ट्रान्सपोर्ट ॲक्शन कमिटीच्या वतीने गुरुवारपासून राज्यभर चक्का जाम आंदोलन करण्याची घाेषणा केली आहे. प्रत्येक जिल्ह्यातील प्रादेशिक परिवहन कार्यालयावर हे आंदोलन करण्यात येणार आहे. मुंबईत सकाळी ११ वाजता आझाद मैदान येथे मुख्य आंदोलन होणार असून, या आंदोलनात रिक्षा, टॅक्सी, बस, ट्रकचालक आणि इतर सर्व वाहतूकदार सहभागी होणार असल्याचे सांगण्यात आले. सरकारने तातडीने सकारात्मक निर्णय न घेतल्यास आंदोलन आणखी तीव्र करण्यात येईल, असा इशारा देण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.