महापौरांनी घेतली राज्यपालांची भेट
​मुंबई, ता. २० ः राज्यपाल जिष्णु देव वर्मा यांची महापौर रितू तावडे यांनी शुक्रवारी (ता. २०) राजभवन येथे सदिच्छा भेट घेतली. पदभार स्वीकारल्यानंतर मुंबईचे प्रथम नागरिक या नात्याने राज्यपालांची भेट घेण्याच्या राजशिष्टाचार परंपरेनुसार ही भेट झाली. ​राज्यपाल जिष्णु देव वर्मा यांचा प्रशासकीय अनुभव लक्षात घेता, महापालिकेच्या नवनियुक्त पदाधिकाऱ्यांना त्यांचे मार्गदर्शन लाभावे, यासाठी महापौरांनी एका शिष्टमंडळासह सविस्तर चर्चेसाठी वेळ देण्याची या वेळी विनंती केली. राज्यपालांनीही मुंबईच्या सर्वांगीण विकासासाठी महापालिकेच्या प्रयत्नांना आवश्यक ते सहकार्य करण्याचे आश्वासन दिले.