मुंबई सेंट्रल-भिवानी उन्हाळी विशेष गाडीचा कालावधी वाढवला
-३१ जुलैपर्यंत सेवा सुरू; प्रवाशांसाठी दिलासा

सकाळ वृत्तसेवा
मुंबई, ता. २२ : वाढती प्रवासी गर्दी लक्षात घेऊन पश्चिम रेल्वेने मुंबई सेंट्रल-भिवानी यादरम्यान धावणाऱ्या द्विसाप्ताहिक उन्हाळी विशेष गाडीच्या फेऱ्यांचा कालावधी वाढवण्याचा निर्णय घेतला आहे.

पश्चिम रेल्वेने दिलेल्या माहितीनुसार, गाडी क्रमांक ०९००१ मुंबई सेंट्रल-भिवानी द्विसाप्ताहिक विशेष ही गाडी आता ३१ जुलै २०२६ पर्यंत चालवण्यात येणार आहे. तसेच गाडी क्रमांक ०९००२ भिवानी-मुंबई सेंट्रल विशेष ही परतीची सेवा १ ऑगस्ट २०२६ पर्यंत सुरू राहणार आहे. या विस्तारित फेऱ्यांसाठी गाडी क्रमांक ०९००१चे आरक्षण रविवार (ता. २२) पासून सर्व संगणकीकृत आरक्षण केंद्रांवर तसेच आयआरसीटीसीच्या अधिकृत संकेतस्थळावर सुरू करण्यात आले आहे, अशी माहिती पश्चिम रेल्वेकडून देण्यात आली.