‘यात्री’सोबत रेल्वेची २०३१पर्यंत भागीदारी

सकाळ वृत्तसेवा
मुंबई, ता. १ : मुंबई लोकलच्या धावपळीच्या प्रवासात गाडी नेमकी कुठे आहे, किती उशीर आहे किंवा कोणत्या प्लॅटफॉर्मवर येणार याची अचूक माहिती देणाऱ्या ‘यात्री’ ॲपसोबतची मध्य रेल्वेची भागीदारी आता मार्च २०३१पर्यंत वाढविण्यात आली आहे. या डिजिटल सुविधेमुळे दररोज सुमारे २५ लाख लोकल प्रवाशांचा प्रवास अधिक सोईस्कर आणि नियोजनबद्ध होत आहे.
मध्य रेल्वे आणि यात्री ॲप यांच्यातील सहकार्याची सुरुवात सुमारे पाच वर्षांपूर्वी झाली होती. ॲपने प्रवाशांना अचूक माहिती देण्यात सातत्य ठेवले असल्याने ही भागीदारी पुढे सुरू ठेवण्याचा निर्णय घेण्यात आला. या भागीदारीतून मध्य रेल्वेला दरवर्षी सुमारे २२.०५ लाख रुपये परवाना शुल्काच्या स्वरूपात महसूल मिळत आहे. प्रवाशांना अधिक चांगल्या सुविधा, माहिती देण्यासाठी तंत्रज्ञानाचा वापर वाढविण्यावर मध्य रेल्वेचा भर असल्याचे रेल्वे प्रशासनाने सांगितले.
...
ॲपच्या सुविधा
१. लोकल गाड्यांचे लाइव्ह लोकेशन
२. गाड्यांच्या उशिराची तत्काळ माहिती
३. प्लॅटफॉर्म क्रमांक अपडेट