कुलाबा येथे फांदी
काेसळून एकाचा मृत्यू

सकाळ वृत्तसेवा
​मुंबई, ता. १ : कुलाबा येथील महाराष्ट्र पोलिस मुख्यालय परिसरात बुधवारी (ता. १) संध्याकाळी ७ वाजण्याच्या सुमारास गुलमाेहराची फांदी पडून अनिल भागोजी गोरे (वय ४५) या व्‍यक्तीचा मृत्यू झाला. या दुर्घटनेत चार वाहनांचेही नुकसान झाले आहे.
​
शहीद भगतसिंग मार्ग येथील महाराष्ट्र पोलिस मुख्यालय परिसरात अचानक गुलमोहराच्या झाडाची माेठी फांदी तेथे उभ्या असलेल्या चार खासगी वाहनांवर कोसळली. या वेळी फांदीखाली सापडून गाेरे हे गंभीर जखमी झाले. त्यांना तातडीने सेंट जॉर्ज रुग्णालयात नेण्यात आले; मात्र रुग्णालयाचे मुख्य वैद्यकीय अधिकारी डॉ. कमलेश पासी यांनी त्यांना मृत घोषित केले. सेंट जॉर्ज रुग्णालयाच्या वतीने ही माहिती देण्यात आली. मुंबई अग्निशमन दल, स्थानिक पोलिस आणि महापालिकेच्या विभाग कार्यालयातील कर्मचाऱ्यांनी ही फांदी हटवली आहे.
.......