श्री स्वामी समर्थ मठात वर्धापनदिन उत्सव

मुंबई, ता. १७ : श्री स्वामी समर्थ सेवा मंडळ परळतर्फे रविवारी (ता. १९) अक्षय तृतीयेनिमित्त श्री स्वामी समर्थ मठाचा वर्धापनदिन साजरा करण्यात येणार आहे. यानिमित्त १८ व १९ एप्रिलला धार्मिक व सामाजिक कार्यक्रमांचे आयोजन करण्यात आले आहे. १९ एप्रिलला मोफत आयुर्वेदिक आरोग्य शिबिर असेल. सर्व स्वामी भक्तांनी मोठ्या संख्येने उपस्थित राहून कार्यक्रमाची शोभा वाढवावी व महाप्रसादाचा लाभ घ्यावा, असे आवाहन मंडळाचे अध्यक्ष सचिन शेट्ये यांनी केले आहे.