विसाव्या मजल्यावरून
पडून कामगाराचा मृत्यू
​मुंबई, ता. २३ : मालाड (पश्चिम) येथील एका निर्माणाधीन इमारतीच्या २०व्या मजल्यावरून पडून ३० वर्षीय मजुराचा मृत्यू झाल्याची बुधवारी रात्री उशिरा घडली. कामाच्या ठिकाणी पुरेशी सुरक्षा उपकरणे आणि प्रकाशाची व्यवस्था नसल्यामुळे हा अपघात झाल्याचा प्राथमिक अंदाज वर्तवण्यात येत आहे. मनोज घुराहू गुप्ता (वय ३०) असे मृत मजुराचे नाव आहे. २०व्या मजल्यावर काम सुरू असताना, पुरेशा प्रकाश व्यवस्थेअभावी तोल गेल्याने मनोज खाली कोसळला. त्यास जोगेश्वरी येथील ट्रॉमा केअर रुग्णालयात दाखल केले; मात्र डॉक्टरांनी मृत घोषित केले. याप्रकरणी बांगूर नगर पोलिस अधिक तपास करीत आहेत.