महाराष्ट्र वैद्यकीय परिषदेची २६ ला निवडणूक
सकाळ वृत्तसेवा
मुंबई, ता. २४ : वैद्यकीय परिषदेवरील नऊ सदस्यांच्या निवडीकरिता २६ एप्रिलला निवडणूक होणार आहे. या निवडणुकीसाठी ६० उमेदवारांनी अर्ज दाखल केले असून, नोंदणीकृत व नोंदणीचे नूतनीकरण केलेले सुमारे एक लाख ४० हजार मतदार मतदानाचा हक्क बजावू शकतील.
या निवडणुकीकरिता राज्यातील जिल्ह्याच्या मुख्यालयाच्या ठिकाणी, जिल्हाधिकारी यांच्या नियंत्रणांतर्गत निवडणुकीचे आयोजन करण्यात येणार आहे. जिल्हानिहाय निवडणूक केंद्र व मतदारयादी यांचा तपशील महाराष्ट्र वैद्यकीय परिषदेच्या वेबसाईटवर (www.maharashtramedicalcouncil.in) उपलब्ध करून देण्यात आलेला आहे.