‘व्यावसायिक’च्या अंतिम स्पर्धेसाठी दहा नाटकांची निवड
मुंबई, ता. २५ : ३६ व्या महाराष्ट्र राज्य मराठी व्यावसायिक नाट्य स्पर्धेच्या अंतिम फेरीसाठी दहा नाटकांची निवड करण्यात आली. सांस्कृतिक कार्य संचालनालयामार्फत ही माहिती दिली. या स्पर्धेत २७ व्यावसायिक नाट्यसंस्थांनी प्रयोग सादर केले होते. त्यातून ‘सविता दामोदर परांजपे’ (त्रिकुट व मॅनमेकर्स मीडिया), ‘चिरंजीव परफेक्ट बिघडलाय’ (जिगिषा क्रिएशन्स), ‘कुटुंब किर्रतन’ (गौरी थिएटर्स), ‘संगीत बोलविता धनी’ (कल्पकला एण्टरप्रायझेस), ‘शंकर जयकिशन’ (भरत जाधव एंटरटेनमेंट), ‘भूमिका’ (जिगिषा व अष्टविनायक), ‘करुणाष्टके’ (भद्रकाली प्रॉडक्शन्स), ‘ठरलंय फॉरएव्हर’ (वाईडविंग्ज मीडिया), ‘मी vs मी’ (कल्पकला एण्टरप्रायझेस), ‘एकदा पाहवं करून’ (अस्मय थिएटर्स). या स्पर्धेसाठी परीक्षक म्हणून नारायण जाधव, श्रीनिवास नार्वेकर आणि शिल्पा नवलकर यांनी काम पाहिले. अंतिम फेरीत दाखल झालेल्या सर्व नाट्यनिर्माते, कलाकार व तंत्रज्ञ यांचे सांस्कृतिक कार्य मंत्री ॲड. आशीष शेलार व सांस्कृतिक कार्य विभागाचे सचिव डॉ. किरण कुलकर्णी यांनी अभिनंदन केले आहे. अंतिम फेरी लवकरच मुंबई येथे आयोजित करण्यात येणार आहे.